Radio online- NGO Luta Hamutuk realize seminar nasional ho nia Tema “Dezenvolvimento seitor Edukasaun no Saude hanesan Fundamento ba dezenvolvimento sosial no ekonomia Timor Leste “iha Salao Joao Paulo II Comoro. Iha seminariu ne’e Director Luta hamutuk Mericio Acara afirma objectivu husi seminar nasional ne’e katak “atu lori ema sira nebe mak iha konnesementu, kapasidade no esprensia nebe diak konana dezenvolvementu seitor Edukasaun no saude atu fahe sira nia matenek no esprensia mai ita.
rua rona governu nia hanoin konaba obstaklo no desafiu nebe mak sira infrenta durante ne’e, hodi dezenvolve seitor rua ne’e. nune’e mos atu bele tau hanoin hamutuk hanesan parseiru hodi dezenvolve seitor hirak ne’e diak liu iha future.
Tolu loke espasu ba debate publiku konaba dezenvolvemento seitor eduksaun no saude nebe mak sai hanesan xave ba sustentabilidade dezenvolvemento sosial no ekonomika Timor –Leste”. Mericio realsa liu tan katak rejultadu husi seminar ne’e NGO Luta hamutuk sei prepara paper ida kona ba asuntu ne’e hodi fo ba Ministeriu Edukasaun no Ministeriu . Orador iha seminar nasional ne’e mak Vice Ministra Edukasaun Dulce de Jesus Soares nebe kolia konaba “Politika dezenvolvemento edukasaun hodi kontribui ba dezenvolvemento sosial no ekonomia Timor Leste”.
Orador segundu mak Ministru Saude Sergio Lobo nebe kolia konaba “politika dezenvolvemento sistema saude nasional hodi kontribui ba dezenvolvemento sosial no ekonomia Timor Leste”.
Orador terseiru mak Eis Ministru Saude Rui Maria de Araujo nebe kolia konaba “Estrategia dezenvolvemento seitor edukasaun no saude hodi bele sai xave ba sustentabilidade dezenvolvimento social no ekonomia Timor Leste”. Orador ikus mak Direitur Luta hamutuk Mericio Akara nebe kolia konaba “Impaktu investimento orsamentu Geral do Estado ba seitor Edukasaun no Saude”.
Akara dehan tan Planu stratejiku ho alokasaun orsamentu la koresponde ba malu iha seitor rua ne’e sai obstakulu ba dezenvolvimentu iha Timor-Leste.
.JPG)
